ບັນດາການເຄື່ອນໄຫວຮ່ວມມື, ​ສ້າງສັນມິດຕະພາບ,​ ວຽກງານ ກໍ່ສ້າງ,​ ບຳລຸງພະນັກງານ,​ ແລກປ່ຽນບົດຮຽນ, ຍູ້ແຮງການແລກປ່ຽນລະຫວ່າງບັນດາທ້ອງຖິ່ນ, ສ້າງຊາຍ ແດນທີ່ສັນຕິພາບ,​ ມິດຕະພາບ ແລະ ອື່ນໆ ແມ່ນແນໃສ່ປະກອບສ່ວນເຂົ້າໃນການປັບປຸງ ແລະ ຂະຫຍາຍ ສາຍພົວພັນມິດຕະພາບ ແລະ ຄວາມສາມັກຄີລະຫວ່າງປະຊາຊົນສອງຊາດ, ປັບປຸງ ແລະ ຂະຫຍາຍ ສາຍພົວພັນພິເສດລະຫວ່າງສອງຊາດແບບຍືນຍົງຢ່າງບໍ່ຢຸດຢັ້ງ, ສອງຝ່າຍໄດ້ຈັດສົ່ງບັນດາຄະນະຜູ້ແທນ ຂັ້ນສູງໄປຢ້ຽມຢາມ, ເຮັດວຽກຢູ່ລາວ ແລະ ຫວຽດນາມຢ່າງເປັນປະຈຳເຊັ່ນ: ຄະນະຜູ້ແທນຂັ້ນສູງຂອງ ຄະນະກຳມະການສູນກາງແນວໂຮມປະເທດຊາດ ຫວຽດນາມນຳໂດຍທ່ານປະທານ ເຈີ່ນແທງເໝີ໋ນ ເປັນ ຫົວໜ້າຄະນະໄປຢ້ຽມຢາມ, ​ເຮັດວຽກຢູ່ລາວໃນເດືອນ 8 ປີ 2017; ຄະນະຜູ້ແທນຂັ້ນສູງຂອງແນວລາວ ສ້າງຊາດນຳໂດຍສະຫາຍ ໄຊສົມພອນ ພົມວິຫານ,​ ກຳມະການກົມການເມືອງ,​ ປະທານຄະນະກຳມະການ ສູນກາງແນວລາງສ້າງຊາດເປັນຫົວໜ້າຄະນະໄປຢ້ຽມຢາມ ແລະ ເຮັດວຽກຢູ່ ຫວຽດນາມໃນເດືອນ 8 ປີ 2016; ຄະນະນຳໂດຍທ່ານ ນາງ ຍອດແກ້ວມະນີ ສຸພານຸວົງ ເປັນຫົວໜ້າຄະນະໄປຢ້ຽມຢາມ ຫວຽດນາມ ໃນເດືອນ 3 ປີ 2018; ຄະນະ ນຳໂດຍສະຫາຍ ໄຊສົມພອນ ພົມວິຫານ, ກຳມະການກົມການເມືອງ, ປະທານຄະນະກຳມະການສູນກາງແນວລາງສ້າງຊາດເປັນຫົວໜ້າຄະນະໄປຢ້ຽມຢາມ ແລະ ເຮັດວຽກຢູ່ ຫວຽດ ນາມ ໃນເດືອນ 4 ປີ 2018; ຄະນະກຳມະການສູນກາງແນວໂຮມປະເທດຊາດ ຫວຽດນາມ ນຳໂດຍທ່ານ ເຮົ່າອາເລ່ງ, ຮອງປະທານ - ເລ ຂາທິການເປັນຫົວໜ້າຄະນະໄປຢ້ຽມຢາມລາວໃນເດືອນ 6 ປີ 2018...

ຢູ່ໃນງານພົບປະແລກປ່ຽນລະຫວ່າງບັນດາຄະນະຜູ້ແທນຂັ້ນສູງຕ່າງໆ, ແຕ່່ລະຝ່າຍລ້ວນແຕ່ໄດ້ແຈ້ງ ໝາກຜົນການຜັນຂະຫຍາຍ,​ ປະຕິບັດ ແລະ ປຶກສາຫາລືບັນດາວິທີການເພີ່ມທະວີການຈັດຕັ້ງປະຕິບັດແຜນ ງານຮ່ວມມືລະຫວ່າງແນວລາວສ້າງຊາດ ແລະ ແນວໂຮມປະເທດຊາດ ຫວຽດນາມ; ແລກປ່ຽນບົດຮຽນໃນ ວຽກງານແນວໂຮມຂອງແຕ່ລະປະເທດ. ແຕ່ລະປີ,​ ຄະນະກຳມະການສູນກາງແນວໂຮມປະເທດຊາດ ຫວຽດ ນາມລ້ວນແຕ່ໄດ້ຈັດບັນດາຊຸດກໍ່ສ້າງ, ບຳລຸງໄລຍະສັ້ນກ່ຽວກັບວຽກງານແນວໂຮມໃຫ້ແກ່ພະນັກງານຂອງ ແນວລາວສ້າງຊາດ.​ ເນື່ອງຈາກການໄປຢ້ຽມຢາມດັ່ງກ່າວ​ສອງຝ່າຍໄດ້ມີຄວາມເຂົ້າໃຈກ່ຽວກັບສະພາບເສດ ຖະກິດ,​ ວັດທະນະທຳ, ການສຶກສາ...ຂອງແຕ່ລະຝ່າຍທີ່ເລິກເຊິ່ງກ່ວາເກົ່າ,​ ໄດ້ຮັບຮູ້ຄວາມຫຍຸ້ງຍາກຕ່າງໆ ທີ່ຍັງຄົງຄ້າງ ເພື່ອມີບັນດາຮູບການໜູນຊ່ວຍ, ຊ່ວຍເຫຼືອໃຫ້ແທດກັບພຶດຕິກຳຕົວຈິງ ແລະ ທັນການ.

ບັນດາການຈັດຕັ້ງທີ່ເປັນພາຄີຂອງແນວໂຮມເຊັ່ນ: ສະຫະພັນໃຫຍ່ແຮງງານ ຫວຽດນາມ, ສະມາຄົມ ຊາວກະສິກຳ ຫວຽດນາມ,​ ຄະນະຊາວໜຸ່ມກອມມູນິດ ໂຮ່ຈີມິນ,​ ສະຫະພັນແມ່ຍີງ ຫວຽດນາມ, ສະຫະພັນ ນັກຮົບເກົ່າ ຫວຽດນາມ, ສະມາຄົມບັນດາການຈັດຕັ້ງມິດຕະພາບ ຫວຽດນາມລ້ວນແຕ່ໄດ້ຈັດກິດຈະກຳແລກ ປ່ຽນຄະນະຜູ້ແທນຂັ້ນສູງຕ່າງໆ ແລະ ຜັນຂະຫຍາຍປະຕິບັດບັນດາແຜນງານຮ່ວມມືກັບບັນດາການຈັດຕັ້ງ ທີ່ທຽບເທົ່າຂອງລາວຢ່າງເປັນປະຈຳ. ໃນການໄປຢ້ຽມຢາມດັ່ງກ່າວ, ສອງຝ່າຍໄດ້ມີການຕີລາຄາກ່ຽວກັບ ໝາກຜົນການປະຕິບັດບົດບັນທຶກຊ່ວຍຈຳ ກໍຄືບັນດາບົດບັນທຶກການຮ່ວມມືສອງຝ່າຍ, ຈາກນັ້ນ, ໄດ້ມີການ ຖອດຖອນບົດຮຽນຢ່າງທັນການ ແລະ ແລກປ່ຽນ, ເອກະພາບແຜນການຮ່ວມມືໃນຕໍ່ໜ້າ. ສອງຝ່າຍກໍໄດ້ມີ ການແລກປ່ຽນ ເພື່ອເອກະພາບການປະສານງານຈັດກິດຈະກຳຕ່າງໆ ໃນປີສາມັກຄີມິດຕະພາບ ລາວ - ຫວຽດນາມ ປີ 2017.

ຄະນະກຳມະການແນວໂຮມປະເທດຊາດ ຫວຽດນາມ ຂອງບັນດາແຂວງ,​ ນະຄອນກໍໄດ້ຈັດການໄປ ຢ້ຽມຢາມຕ່າງໆ ແນໃສ່ແລກປ່ຽນບົດຮຽນວຽກງານລະຫວ່າງສອງຝ່າຍ, ຕີລາຄາກ່ຽວກັບໝາກຜົນການ ປະຕິບັດບົດບັນທຶກຊ່ວຍຈຳທີ່ໄດ້ລົງລາຍເຊັນນຳກັນ. ສອງຝ່າຍກໍໄດ້ມີການແລກປ່ຽນຄະນະ, ໄປຢ້ຽມຢາມ ແລະ ຊອກຮູ້ກ່ຽວກັບສະພາບເສດຖະກິດ, ວັດທະນະທຳ, ​ການສຶກສາ...ຂອງກັນຢ່າງເປັນປະຈຳ ເພື່ອເນື່ອງ ຈາກການຢ້ຽມຢາມດັ່ງກ່າວ ຈະສ້າງບັນດາແຜນງານຮ່ວມມືສອງຝ່າຍໃນຫຼາຍຂົງເຂດ, ພ້ອມດຽວກັນນັ້ນ, ໄດ້ ມີບັນດາການຊ່ວຍເຫຼືອດ້ານພື້ນຖານວັດຖຸຢ່າງທັນການ ແລະ ແທດເໝາະກັບພຶດຕິກຳຕົວຈິງບົນພື້ນຖານ ຈິດໃຈຄວາມມັກຄີໄມຕີຈິດມິດຕະພາບ, ແບ່ງປັນ, ເປັນກຳລັງໃຈໃນຍາມພົບຄວາມຫຍຸ້ງຍາກ.