ເພື່ອຊ່ວຍເຫຼືອປະຊາຊົນພ້ອມກັນພັດທະນາ, ບັນດາພະນັກງານ, ນັກຮົບຄ້າຍທະຫານ້ອງກັນຊາຍແດນດ່ານສາກົນນາແມ່ວແລະປະຊາຊົນບ້ານນາແມ່ວໄດ້ມີການຊ່ວຍເຫຼືອແກ່ປະຊາຊົນບ້ານເລີຍ ດ້ານແນວພັນຕົ້ນໄມ້, ສັດລ້ຽງທີ່ມີສະມັດຕະພາບສູງຫຼາຍຊະນິດ, ຊ່ວຍຍົກສູງຊີວິດການເປັນຢູ່ດ້ານວັດຖຸແລະຈິດໃຈໃຫ້ແກ່ປະຊາຊົນບ້ານເລີຍ, ເນື່ອງຈາກການຊ່ວຍເຫຼືອດັ່ງກ່າວ, ຈິ່ງໄດ້ປະກອບສ່ວນເຮັດໃຫ້ອັດຕາຄອບຄົວທຸກຍາກຂອງບ້ານຫລຸດລົງຢ່າງວ່ອງໄວ. ຢູ່ໃຈກາງຂອງບ້ານເລີຍໄດ້ກໍ່ສ້າງຫໍວັດທະນະທຳ ເຊິ່ງໃຊ້ເງິນຈຳນວນ 150 ລ້ານດົ່ງທີ່ໄດ້ຈາກການປະກອບສ່ວນຂອງພະນັກງານ, ນັກຮົບຄ້າຍທະຫານປ້ອງກັນຊາຍແດນນາແມ່ວແລະປະຊາຊົນບ້ານນາແມ່ວເພື່ອຊ່ວຍໃຫ້ປະຊາຊົນບ້ານເລີຍມີສະຖານທີ່ເຄື່ອນໄຫວລວມ, ຈັດບັນດາກິດຈະກຳດ້ານວັດທະນະທຳຕ່າງໆ.

ບົນພື້ນຖານຈິດໃຈການແຮກສ່ຽວ, ດ້ວຍສາຍພົວພັນເລືອດເນື້ອເຊື້ອດຽວຂອງປະຊາຊົນສອງເບື້ອງຊາຍແດນຈິ່ງໄດ້ຮັບການແຈ້ງຂ່າວສານຈາກປະຊາຊົນຢ່າງທັນການ, ໄດ້ຊ່ວຍໃຫ້ກຳລັງທະຫານປ້ອງກັນຊາຍແດນສອງປະເທດກວດພົບແລະປາບປາມເປົ້າໝາຍອາດຊະຍາກຳແຊກຊຶມເຂົ້າຊາຍແດນແບບຜິດກົດໝາຍໄດ້ເປັນຈຳນວນຫຼວງຫຼາຍ ແລະ ສຳເລັດຜົນຢ່າງວ່ອງໄວ, ໄດ້ເຮັດໃຫ້ການດໍາລົງຊີວິດຂອງປະຊາຊົນມີຄວາມຢູ່ເຢັນເປັນສຸກ.

“ປະຊາຊົນສອງຝ່າຍຮັບຮູ້ໄດ້ເຖິງຄວາມປະສົມກົມກຽວກັນ,ຄວາມສາມັກຄີລະຫວ່າງສອງບ້ານກໍແມ່ນສະແດງເຖິງຄວາມສາມັກຄີອັນດູດດື່ມລະຫວ່າງສອງຊາດຫວຽດນາມ - ລາວ. ຍ້ອນແນວນັ້ນ, ສອງຝ່າຍຈິ່ງໄດ້ມີການເປັນກຳລັງໃຈ, ຊ່ວຍເຫຼືອເຊິ່ງກັນແລະກັນໃນການອອກແຮງງານເພີ່ມພູນຜະລິດຜົນຢ່າງເປັນປະຈຳ, ພ້ອມກັນປ້ອງກັນຊາຍແດນ, ຮັກສາຄວາມເປັນລະບຽບຮຽບຮ້ອຍແລະຄວາມສະຫງົບເຂດຊາຍແດນໃຫ້ໝັ້ນຄົງ”, ເລຂາພັກ, ນາຍບ້ານໆນາແມ່ວໄດ້ຢັ້ງຢືນ.

ບ້ານເລີຍ, ເມືອງວຽງໄຊ, ແຂວງຫົວພັນ (ລາວ) ມີ 103 ຄອບຄົບ, ປະຊາຊົນລ້ວນແຕ່ມີຄວາມສະໜັບສະໜູນສູງຕໍ່ສາຍພົວພັນຮັກແພງກັນກັບບ້ານນາແມ່ວ. ແຕ່ລະວັນເສົາຂອງທຸກອາທິດ, ສອງບ້ານໄດ້ຈັດຕະຫຼາດນັດຢູ່ບ້ານນາແມ່ວ, ປະຊາຊົນໄດ້ນຳເອົາສິນຄ້າທີ່ສອງຝ່າຍມີຢູ່ມາແລກປ່ຽນ, ຊື້ຂາຍນຳກັນ, ຍ້ອນແນວນັ້ນ, ໄດ້ຊ່ວຍໃນການຊຸກຍູ້ເສດຖະກິດ, ຍົກສູງລາຍໄດ້ໃຫ້ແກ່ປະຊາຊົນ.

ເພື່ອແລກປ່ຽນກ່ຽວກັບສາຍພົວພັນລະຫວ່າງສອງບ້ານ, ທ່ານສອນມະນີ, ເລຂາພັກ, ນາຍບ້ານໆເລີຍ, ເມືອງວຽງໄຊ, ແຂວງຫົວພັນ (ລາວ)ກໍໃຫ້ຮູ້ວ່າ: ຂ້າພະເຈົ້າຍັງບໍ່ສາມາດລືມໄດ້ຄວາມມ່ວນຊື່ນຂອງປະຊາຊົນສອງບ້ານໃນເວລາທີ່ຈັດພິທີແຮກສ່ຽວຂອງ 5 ປີກ່ອນ.“ພວກຂ້າພະເຈົ້າຂໍສະແດງຄວາມຮູ້ບຸນຄຸນທີ່ເພື່ອນມິດຫວຽດນາມໄດ້ມີການປະພຶດຕໍ່ພວກຂ້າພະເຈົ້າຢ່າງຈິງໃຈທີສຸດ, ມີການຊ່ວຍເຫຼືອໃນຍາມທີ່ປະຊາຊົນຂອງບ້ານເລີຍພົບຄວາມຫຍຸ້ງຍາກຢ່າງເປັນປະຈຳ. ມີຫຼາຍກໍລະນີທີ່ປະຊາຊົນເຈັບປ່ວຍ, ເຈັບເປັນໄດ້ສົ່ງໄປປິ່ນປົ່ວຢູ່ຫວຽດນາມ, ໄດ້ຮັບການປິ່ນປົ່ວຈາກບັນດາທ່ານໝໍຫວຽດນາມຢ່າງສຸດໃຈ. ບ້ານເລີຍຫວັງຢ່າງຍິ່ງວ່າຈະກະຕຸກຊຸກຍູ້ການສະໜັບສະໜູນ, ຮ່ວມມືກັບບ້ານນາແມ່ວໃຫ້ນັບມື້ນັບເລິກເຊິ່ງແລະມີປະສິດທິຜົນສູງກ່ວາເກົ່າ, ແລກປ່ຽນໂດຍທ່ານສອນມະນີ.