ໃນການປະຕິບັດປຸກລະດົມການປູກຝັງປະຈຳຖິ່ນ, ການຕັ້ງຖິ່ນຖານບັນດາຜູ້ຊົງຄຸນວຸດທິໄດ້ເຂົ້າຮ່ວມ ການໂຄສະນາ, ປຸກລະດົມປະຊາຊົນບໍ່ອົບພະຍົບແບບເສລີ, ບໍ່ປູກຕົ້ນຝິ່ນຄືນໃໝ່, ບໍ່ຮຽນເອົາ ແລະ ເຜີຍແຜ່ ສາສະໜາແບບຜິດກົດໝາຍ, ບໍ່ຂ້າມຊາຍແດນແບບຜິດກົດໝາຍ, ອຸ່ນອ່ຽນໃຈອອກແຮງງານເພີ່ມພູນຜະລິດ ຜົນ, ເຮັດໃຫ້ຊີວິດການເປັນຢູ່ມີຄວາມໝັ້ນຄົງ, ສ້າງການດຳລົງຊີວິດແບບຊົນລະບົດໃໝ່ເທື່ອລະກ້າວ, ຄຸ້ມ ຄອງສະພາບການເຂດຊົນເຜົ່າສ່ວນໜ້ອຍຢູ່ເຂດຊາຍແດນຢ່າງແໜ້ນແຟ້ນ. ຄຽງຄູ່ກັນນັ້ນ, ສຸມໃສ່ການຂຸດຄົ້ນ ທຸກແຫຼ່ງກຳລັງ ເພື່ອເພີ່ມທະວີການລົງທຶນພັດທະນາໃຫ້ແກ່ເຂດປະຊາຊົນຊົນເຜົ່າສ່ວນໜ້ອຍ, ພິເສດແມ່ນ ເຂດທີ່ທຸກຍາກພິເສດ ເພື່ອແນໃສ່ການປັບປຸງຊີວິດການເປັນຢູ່ ແລະ ການຜະລິດໃຫ້ແກ່ປະຊາຊົນເທື່ອລະ ກ້າວ, ປະກອບສ່ວນເຮັດໃຫ້ປະຊາຊົນມີຄວາມໝັ້ນຄົງ, ຮັກສາຄວາມສະຫງົບ ແລະ ຄວາມເປັນລະບຽບຮຽບ ຮ້ອຍທາງສັງຄົມ.

ຢູ່ຕໍ່ໜ້າບັນດາໝາກຜົນທີ່ຍາດມາໄດ້, ແຂວງ ເຊີນລາ ໄດ້ຖອດຖອນບົດຮຽນຈຳນວນໜຶ່ງ ແນໃສ່ສືບຕໍ່ ປະຕິບັດວຽກງານການສ້າງ ແລະ ເສີມຂະຫຍາຍບົດບາດຂອງຜູ້ຊົງຄຸນວຸດທິໃນການດຳລົງຊີວິດຂອງປະຊາ ຊົນຊົນເຜົ່າສ່ວນໜ້ອຍທີ່ດຳລົງຊີວິດລຽບຕາມເສັ້ນຊາຍແດນ ຫວຽດນາມ - ລາວໃຫ້ດີກ່ວາເກົ່າ, ລະອຽດ ຄືດັ່ງນີ້: ໂຄສະນາສຶກສາປະຊາຊົນປະຕິບັດແຜນນະໂຍບາຍ, ນະໂຍບາຍຕ່າງໆ ຂອງພັກ, ລັດກ່ຽວກັບການ ພັດທະນາເສດຖະກິດ - ສັງຄົມຢ່າງເປັນປະຈຳ ແລະ ມີປະສິດທິຜົນ, ປັບປຸງ ແລະ ຍົກສູງຊີວິດການເປັນຢູ່ ຂອງປະຊາຊົນຊົນເຜົ່າສ່ວນໜ້ອຍທີ່ຍັງມີຄວາມຫຍຸ້ງຍາກ; ປະຕິບັດວຽກງານປຸກລະດົມໃຫ້ເປັນຢ່າງດີ, ແນະ ນຳປະຊາຊົນດຳລົງຊີວິດ, ການປູກຝັງປະຈຳຖິ່ນ, ການຕັ້ງຖິ່ນຖານໃຫ້ມີຄວາມໝັ້ນຄົງ, ປ່ຽນແປງໃໝ່ປະເພນີ ການຜະລິດ, ໝູນໃຊ້ຄວາມກ້າວໜ້າຂອງວິທະຍາສາດເຕັກນິກ, ພັດທະນາເສດຖະກິດສິນຄ້າ, ລຶບລ້າງຄວາມ ອຶດຫິວ, ຫລຸດຜ່ອນຄວາມທຸກຍາກ; ສ້າງທຸກເງື່ອນໄຂໃຫ້ຖັນແຖວບັນດາຜູ້ຊົງຄຸນວຸດທິຂອງແຂວງເສີມ ຂະຫຍາຍບົດບາດ, ຄວາມຮັບຜິດຊອບຂອງຕົນໃນການໂຄສະນາ, ປຸກລະດົມປະຊາຊົນໃນການອອກແຮງ ງານ, ຜະລິດ, ດຳລົງຊີວິດແບບໝັ້ນຄົງ, ລຶບລ້າງຄວາມອຶດຫິວຫລຸດຜ່ອນຄວາມທຸກຍາກໃຫ້ດີກ່ວາເກົ່າ, ປະກອບສ່ວນເຂົ້າໃນພາລະກິດພັດທະນາເສດຖະກິດ - ສັງຄົມເຂດຊາຍແດນ.

ຄຽງຄູ່ກັນນັ້ນ, ສືບຕໍ່ຍູ້ແຮງວຽກງານປຸກລະດົມໂຄສະນາວຽກງານລຶບລ້າງຄວາມອຶດຫິວ, ຫລຸດຜ່ອນ ຄວາມທຸກຍາກ, ຍົກສູງລະດັບການດຳລົງຊີວິດຂອງປະຊາຊົນຊົນເຜົ່າສ່ວນໜ້ອຍ; ຖືເປັນສຳຄັນວຽກງານ ຂຶ້ນແຜນກຳນົດ, ສັບຊ້ອນຈັດວາງຊຸມຊົນ, ແຫຼ່ງບຸກຄະລາກອນຄືນໃໝ່ຕາມທິດຫັນເປັນອຸດສາຫະກຳ, ຫັນ ເປັນທັນສະໄໝ ແລະ ພັດທະນາແບບຍືນຍົງຕິດພັນກັບການຮັບປະກັນການປ້ອງກັນຊາດ, ປ້ອງກັນຄວາມ ສະຫງົບ; ຕ້ອງສຸມໃສ່ການຜັນຂະຫຍາຍແຜນງານ, ນະໂຍບາຍລົງທຶນຕ່າງໆຢ່າງມີປະສິດທິຜົນ, ຊ່ວຍເຫຼືອ, ຊ່ວຍເຂດປະຊາຊົນຊົນເຜົ່າສ່ວນໜ້ອຍຢູ່ເຂດຫ່າງໄກຊອກຫຼີກ, ເຂດທຸກຍາກພິເສດ, ເຂດພູສູງເຂດຊາຍແດນ; ແກ້ໄຂສະພາບການຂາດເຂີນດິນຜະລິດ, ດິນຢູ່ ແລະ ບັນຫາແກ້ງແຍ້ງທີ່ດິນຢູ່ເຂດປະຊາຊົນຊົນເຜົ່າສ່ວນ ໜ້ອຍໂດຍພື້ນຖານ.

ແຂວງເຊີນລາ ກໍໄດ້ຖືວ່າ: ຕ້ອງເພີ່ມທະວີວຽກງານການສ້າງ ແລະ ປັບປຸງກ້ອນມະຫາສາມັກຄີທົ່ວ ປວງຊົນຕື່ມອີກ, ພິເສດແມ່ນປະຊາຊົນບັນດາຊົນເຜົ່າເຂດຊາຍແດນ; ຕ້້ານທຸກປາກົດການພາກສ່ວນ, ກໍ່ການ ແບ່ງແຍກ, ພັກພວກ, ເຮັດໃຫ້ເສຍຄວາມສາມັກຄີລະຫວ່າງບັນດາຊົນເຜົ່າລະຫວ່າງສອງເບື້ອງເຂດຊາຍແດນ. ເພີ່ມທະວີການປະສານງານລະຫວ່າງບັນດາຂັ້ນ, ຂະຫໜງການຕ່າງໆ ແລະ ຂອງທົ່ວລະບົບການເມືອງໃນ ການປະຕິບັດວຽກງານຊົນເຜົ່າ ແລະ ການປະຕິບັດນະໂຍບາຍຊົນເຜົ່າຕ່າງໆ, ຮັບປະກັນຄວາມສະຫງົບ ດ້ານການເມືອງ ແລະ ຄວາມເປັນລະບຽບຮຽບຮ້ອຍ, ຄວາມປອດໄພທາງສັງຄົມຢູ່ເຂດຊົນເຜົ່າ, ເຂດຊາຍ ແດນ. ປະຕິບັດນະໂຍບາຍການເຊື່ອຖື ແລະ ສາສະໜາໃຫ້ເປັນຢ່າງດີ, ສະກັດກັ້ນການສວຍໃຊ້ນະໂຍບາຍ ກ່ຽວກັບສາສະໜາ, ການເຊື່ອຖືສາສະໜາແບບເສລີ ເພື່ອເຄື່ອນໄຫວທຳລາຍກ້ອນມະຫາສາມັກຄີທົ່ວປວງ ຊົນລະຫວ່າງສອງຊາດ ຫວຽດນາມ - ລາວ ຢ່າງເດັດຂາດ.

ສາມາດຢັ້ງຢືນໄດ້ວ່າ: ຖັນແຖວຜູ້ຊົງຄຸນວຸດທິໃນປະຊາຊົນຊົນເຜົ່າສ່ວນໜ້ອຍໃນເທດສະບານແຂວງ ເຊີນລາ ໄດ້ມີການເສີມຂະຫຍາຍບົດບາດຂອງຕົນເປັນຢ່າງດີ, ເປັນແກ່ນສານໃນການພັດທະນາເສດຖະກິດ - ສັງຄົມ, ລຶບລ້າງຄວາມອຶດຫິວ, ຫລຸດຜ່ອນຄວາມທຸກຍາກ, ເປັນໃຈກາງຂອງຄວາມສາມັກຄີໃນປະຊາຊົນ ບັນດາຊົນເຜົ່າສ່ວນໜ້ອຍ, ປະກອບສ່ວນອັນສຳຄັນເຂົ້າໃນການປັບປຸງກ້ອນມະຫາສາມັກຄີທົ່ວປວງຊົນ, ສ້າງ ໄດ້ທ່າສະໜາມຮົບແຫ່ງປະຊາຊົນ, ທ່າສະໜາມຮົບແຫ່ງຄວາມສະຫງົບປະຊາຊົນທີ່ໜັກແໜ້ນຢູ່ເທດສະບານ ບັນດາຕາແສງ, ບ້ານເຂດຫ່າງໄກຊອກຫຼີກ, ເຂດຊາຍແດນ, ເຂດທຸກຍາກພິເສດຂອງແຂວງ. ສະນັ້ນ, ສຽງເວົ້າຂອງຜູ້ຊົງຄຸນວຸດທິໃນປະຊາຊົນຊົນເຜົ່າສ່ວນໜ້ອຍ ແມ່ນມີຄວາມໝາຍທີສຸດ, ຊ່ວຍໃຫ້ແນວທາງ, ນະໂຍບາຍຊົນເຜົ່າຂອງພັກເຮົາໄດ້ກ້າວເຂົ້າສູ່ຊີວິດການເປັນຢູ່ເຂດຊາຍແດນຢ່າງໝັ້ນຄົງ.