ໂດຍໄດ້ຕັ້ງຢູ່ທີ່ຕັ້ງສຳຄັນໃນເສັ້ນຊາຍແດນ ລາວ - ຫວຽດນາມ,​ ຄ້າຍທະຫານຊາຍແດນດ່ານສາກົນ ລະໄລ ໄດ້ຄຸ້ມຄອງເທດສະບານຂອງສອງຕາແສງ ອາໂງ ແລະ ອາບຸງ,​ ທິດຕາເວັນຕົກສຽງໃຕ້ຂອງແຂວງ ກວາງຈິ ຢ່າງໂດຍກົງ. ໃນໄລຍະເວລາສູງສຸດຂອງພະຍາດໂຄວິດ-19, ພະນັກງານນັກຮົບຄ້າຍທະຫານຊາຍແດນຕ້ອງ ປະຕິບັດໜ້າສົ່ງໄປກັກໂຕລວມສຳລັບຜູ້ເຂົ້າເມືອງຈາກຕ່າງປະເທດ ແລະ ຜືນແຜ່ນດິນອື່ນໆທີ່ເຂົ້າມາປະເທດ ຫວຽດນາມ. ນັບແຕ່ເດືອນ 03 ຈົນຮອດເດືອນ 6/2020,​ ຄ້າຍທະຫານພ້ອມກັບກຳລັງທີ່ກ່ຽວຂ້ອງຕ່າງໆ ໄດ້ ມີການຂຶ້ນສະຖິຕິ, ຈັດແບ່ງຄົນເຂົ້າເມືອງ, ປະຕິບັດລະບຽບການກັກໂຕລວມຕ່າງໆ ໃຫ້ເກືອບ 3.800 ຄົນ. ຈົນເຖິງປັດຈຸບັນນີ້, ພະຍາດໂຄວິດ-19 ໄດ້ຮັບການຄວບຄຸມ,​ ຊີວິດການເປັນຢູ່ຂອງປະຊາຊົນສອງເບື້ອງ ຊາຍແດນໄດ້ກັບຄືນສູ່ສະພາບປົກກະຕິ.

ໃນຫຼາຍອາທິດທີ່ຜ່ານມາ, ນັກຮົບຄ້າຍທະຫານຢູ່ດ່ານສາກົນ ລະໄລ ຢູ່ເມືອງ ດາກະຮົງ ຫຼາຍຄົນບໍ່ມີເວລາກັບ ໄປຢາມເຮືອນ, ຍ້ອນວ່າ ຫຼັງຈາກປະຈຳການໃນແຕ່ລະມື້ແລ້ວ,​ ບັນດາອ້າຍທະຫານໄດ້ລົງໄປແຕ່ລະບ້ານ, ໄປ ຫາບັນດາຄອບຄົວຊົນເຜົ່າເວີນກ່ຽວ ແລະ ຕາໂອຍ,​ ແນະນຳປະຊາຊົນວິທີປູກຜັກ, ປູກຕົ້ນກ້ວຍ, ການລ້ຽງ ສັດ, ສັດປີກ. ໂດຍມີບັນດາກິດຈະກຳ, ແຜນງານທີ່ໄດ້ບັນດານັກຮົບຂອງຄ້າຍທະຫານຊາຍແດນຜັນຂະ ຫຍາຍທີ່ເຮັດໃຫ້ປະຊາຊົນມີຄວາມອົບອຸ່ນຢ່າງຫຼວງຫຼາຍ ເຊັ່ນ: ສ້າງ “ຄອບຄົວຊາວນາອົບອຸ່ນ”, “ຄອບຄົວ ຢູ່ເຂດຊາຍແດນອົບອຸ່ນ”, ຮ່ວມກັບແຜນງານ “ແມ່ຍິງເຂດຊາຍແດນ”; “ຊ່ວຍໃຫ້ນ້ອງນັກຮຽນໄດ້ໄປໂຮງຮຽນ”; “ລູກລ້ຽງທະຫານຊາຍແດນ”...

ໂດຍໄດ້ຕັ້ງຢູ່ຕາແສງ ເລ່ຍ ຂອງເມືອງພູດອຍ ເຮື໋ອງຮ໋ວາ, ຄ້ານທະຫານຊາຍແດນ ແທງ ໄດ້ປ້ອງກັນຊາຍ ແດນເຂດທາງແມ່ນ້ຳເຊໂປນ ທີ່ມີຄວາມຍາວຫຼາຍກ່ວາ 31 ກິໂລແມັດ, ຮັບຜິດຊອບເທດສະບານສາມຕາແສງ ແທງ, ເລ່ຍ ແລະ ຊີ. ໂດຍໄດ້ຮັບຮູ້ເຖິງຜົນສະທ້ອນອັນໜັກໜ່ວງຂອງພະຍາດໂຄວິດ-19 ຕໍ່ເທດສະບານ ຢ່າງຈະແຈ້ງ, ກອງບັນຊາການທະຫານຊາຍແດນໄດ້ມີການປະສານງານກັບອຳນາດການປົກຄອງຮາກຖານ ຮຽກຮ້ອງໃຫ້ບັນດາວິສາຫະກິດມອບເຂົ້າສານແກ່ປະຊາຊົນເປັນຫຼາຍພັນໂຕນ ເພື່ອເປັນເຈົ້າການກ່ຽວກັບສະ ບຽງອາຫານ. ຄ້າຍທະຫານໄດ້ຊ່ວຍປະຊາຊົນປະຕິບັດຮູບຕົວແບບປູກຕົ້ນສະນັດ ເພື່ອບໍ່ໃຫ້ດິນເຊາະເຈື່ອນ ແລະ ພັດທະນາເສດຖະກິດ; ການປູກເຂົ້າ; ປູກສະຫຼັບບັນດາແນວພັນສາລີ,​ ໝາກຖົ່ວກັບມັນຕົ້ນ ເພື່ອເພີ່ມ ລາຍໄດ້. ພ້ອມດຽວກັນນັ້ນ, ໄດ້ມີການປະສານງານກັບອຳນາດການປົກຄອງຂອງບັນດາຕາແສງສືບຕໍ່ຊອກ ໂຄງການປະສົມຊ່ວຍເຫຼືອປະຊາຊົນເປີດກ້ວາງການຜະລິດ.

ໂດຍຕ່າງກັບບັນດາຄ້າຍທະຫານອື່ນໆ, ເທດສະບານຄຸ້ມຄອງຂອງຄ້າຍທະຫານຊາຍແດນ ເຮື໋ອງເລີບໄດ້ ກວມເອົາສອງຕາແສງແມ່ນ ເຮື໋ອງເລີບ ແລະ ເຮື໋ອງຫວຽດ, ຕັ້ງຢູ່ທິດຕາເວັນຕົກສຽງເໜືອຂອງເມືອງ ເຮື໋ອງ ຮ໋ວາ. ໂດຍມີຄວາມເຂົ້າໃຈກ່ຽວກັບຄວາມມຸ່ງຫວັງຂອງປະຊາຊົນເຂດຊາຍແດນທີ່ຍາມໃດກໍຫວັງວ່າ ຈະໄດ້ໃກ້ ຊິດກັບແຜນນະໂຍບາຍ, ແນວທາງຕ່າງໆ ຂອງພັກ, ນະໂຍບາຍ, ກົດໝາຍຂອງລັດໂດຍໄວ, ດັ່ງນັ້ນ, ຄ້າຍ ທະຫານໄດ້ເປັນເຈົ້າການໃນການປະສານງານໂຄສະນາ,​ ເຜີຍແຜ່ສຶກສາກົດໝາຍໃຫ້ແກ່ປະຊາຊົນປະກອບມີ ເນື້ອໃນຕ່າງໆ ເຊັ່ນ: ກົດໝາຍວ່າດ້ວຍຊາຍແດນລະຫວ່າງປະເທດ,​ ສັນຍາວ່າດ້ວຍກົດລະບຽບການຄຸ້ມຄອງ ຊາຍແດນ ແລະ ດ່ານຊາຍແດນໃນເຂດດິນຕໍ່ແຜ່ນລະຫວ່າງ ລາວ - ຫວຽດນາມ ແລະ ກົດໝາຍວ່າດ້ວຍ ການແຕ່ງງານ,​ ກົດໝາຍວ່າດ້ວຍທີ່ດິນ ແລະ ອື່ນໆ.

ທ່ານ ພັນເອກ ເລ ວັນ ເຟືອງ,​ ຫົວໜ້າກອງບັນຊາການທະຫານຊາຍແດນແຂວງ ກວາງຈິ ໃຫ້ຮູ້ວ່າ: ໃນ ເສັ້ນຊາຍແດນຂອງແຂວງ ກວາງຈິ ແລະ ສອງແຂວງ ສະຫວັນນະເຂດ,​ ສາລະວັນຂອງ ສປປ ລາວທີ່ ຍາວເກືອບ 190 ກິໂລແມັດ, ບັນດານັກຮົບທະຫານຊາຍແດນກຳລັງຮັກສາຊາຍແດນຂອງປະເທດຊາດທັງ ເວັນ ແລະ ຄືນ, ທັງຊ່ວຍປະຊາຊົນຟື້ນຟູເສດຖະກິດ, ເຮັດໃຫ້ຊີວິດການເປັນຢູ່ມີຄວາມໝັ້ນຄົງພາຍຫຼັງພະ ຍາດໂຄວິດ-19 ເກີດຂຶ້ນ. ນອກຈາກສອງດ່ານສາກົນ, ປັດຈຸບັນນີ້, ດ່ານປະເພນີຕ່າງໆ ທີ່ລຽບຕາມເສັ້ນຊາຍ ແດນ ລາວ - ຫວຽດນາມ ໂດຍຜ່ານແຂວງ ກວາງຈິ ໄດ້ເປີດຄືນໃໝ່ ເພື່ອໃຫ້ປະຊາຊົນສອງເບື້ອງຊາຍ ແດນມີການແລກປ່ຽນຜະລິດຕະພັນກະເສດ, ສິນຄ້າ. ການຄ້າຂາຍດັ່ງກ່ວາ ພຽງແຕ່ໄດ້ດຳເນີນຢູ່ໃນເຂດຊາຍ ແດນເທົ່ານັ້ນ ແລະ ຈະຖືກຄວມຄຸມຢ່າງແໜ້ນແຟ້ນ, ຫຼີກເວັ້ນສະພາບການສວຍໃຊ້ ເພື່ອເຂົ້າ-ອອກເມືອງຜິດ ກົດໝາຍ.

ບັນດາວຽກງານທີ່ແທດເໝາະກັບພຶດຕິກຳຕົວຈິງ, ແລະ ເຕັມໄປດ້ວຍຄວາມຮັກແພງລະຫວ່າງທະຫານ - ປະ ຊາຊົນຂອງບັນດາພະນັກງານ, ນັກຮົບ, ທະຫານຊາຍແດນແຂວງ ກວາງຈິ ພ້ອມກັບການຮ່ວມຈິດຮ່ວມໃຈ ຂອງປະຊາຊົນບັນດາຊົນເຜົ່າສ່ວນໜ້ອຍໄດ້ປະກອບສ່ວນເຮັດໃຫ້ການດຳລົງຊີວິດຢູ່ເຂດຊາຍແດນຂອງ ປະເທດຊາດກຳລັງໄດ້ຮັບການປ່ຽນແປງໃນແຕ່ລະມື້.